«Брэдфорд Сити» – «Бёрнли»: Сәтпаевтың қатысуымен өтетін матчтың тікелей трансляциясы
«Бёрнли» ФК
Англиялық «Брэдфорд Сити» мен «Бёрнли» Англия лигасы кубогының екінші кезеңінде кездеседі.
Матч 26 тамызда Брэдфордтағы «Вэлли Пэрейд» стадионында өтеді. Кездесудің басталуы Қазақстан уақытымен 23:45-ке жоспарланған.
Матчтың тікелей трансляциясы Winline платформасында қолжетімді болады. Трансляцияны көру үшін сайтта тіркелу қажет. Сондай-ақ кездесудің ең маңызды сәттерін Sport-hub.kz Telegram-арнасындағы live форматында бақылауға болады.
«Бёрнли» Лига кубогындағы жорығын «Ноттс Каунтиді» жеңуден бастады (1:1, пенальти сериясында 4:3). Ал «Брэдфорд Сити» бірінші кезеңде «Рочдейлден» 2:0 есебімен басым түсті.
Бұған дейін «Брэдфорд Сити» Англияның Бірінші лигасындағы алғашқы екі матчында «Питербороны» (2:0) және «Шеффилд Уэнсдейді» (1:0) жеңді. Ал «Бёрнли» Чемпионшиптегі екі турдан кейін бір ұпай жинады: «Вест Хэммен» 2:2 есебімен тең ойнап, «Вест Бромвичке» 1:3 есебімен есе жіберді.
Сәтпаев үшін алдағы кездесу «Бёрнли» сапындағы екінші ресми матчы болуы мүмкін. Бұған дейін қазақстандық футболшы «Вест Бромвичке» қарсы ойында негізгі команданың құрамында 33 минут алаңға шыққан.
