Бублик Вольфты жеңіп, US Open-2026 турнирінің екінші айналымына өтті
Фото: x_@josemorgado
Әлемнің 16-ракеткасы Александр Бублик америкалық Джей-Джей Вольфты (ATP рейтингі бойынша 253-орын) жеңіп, US Open-2026 турнирінің екінші айналымына шықты.
Қазақстандық теннисші 6:4, 6:2, 3:6, 6:1 есебімен жеңіске жетті. Кездесу 2 сағат 13 минутқа созылды.
Бублик 17 эйс жасап, 10 рет қосарланған қателік жіберді және сегіз брейк-пойнттың бесеуін пайдаланды. Ал Вольф төрт рет эйс жасап, үш қосарланған қателікке жол берді және қарсыласының добын беру кезіндегі сегіз мүмкіндіктің біреуін ғана брейкке айналдырды.
Бұл кездесуге дейін теннисшілердің өзара матчтарындағы есеп Вольфтың пайдасына 3:1 болған еді. Олардың алдыңғы кездесуі 2023 жылғы Уимблдон турнирінің екінші айналымында өтті. Сол матчта Бублик үш сетте 6:3, 7:6, 6:0 есебімен жеңіске жеткен.
Екінші айналымда қазақстандық теннисші Тьяго Агустин Тиранте – Адриан Маннарино арасындағы матчтың жеңімпазымен кездеседі.
US Open турнирінің қазіргі чемпионы — 2025 жылғы финалда Янник Синнерді жеңген Карлос Алькарас. Биылғы жарыс 30 тамыз бен 13 қыркүйек аралығында өтеді.