Чеферин ПСЖ басшысымен ФИФА болашағын талқылайды
Фото: x_@lequipe
УЕФА президенті Александер Чеферин Пари Сен-Жермен клубының президенті әрі Еуропалық клубтар қауымдастығының (ECA) басшысы Нассер Аль-Хелаифимен кездеспек.
Кездесу 12 тамызда Зальцбург қаласында өтетін УЕФА Суперкубогы кезінде жоспарланған. Негізгі талқыланатын тақырыптардың бірі клубтар арасындағы әлем чемпионатының болашағы және ECA мен ФИФА арасындағы қарым-қатынас болмақ.
Чеферин Аль-Хелаифидің ФИФА президенті Джанни Инфантиноға қатысты ұстанымын қатаңдатуға шақырмақ. Бұған ұйым ішіндегі соңғы келіспеушіліктер мен FIFA Forward Enterprise жобасынан бас тарту себеп болған.
Сондай-ақ ECA ұйымы Инфантино ФИФА басында қалған жағдайда клубтар арасындағы әлем чемпионаты бойынша ынтымақтастықты тоқтату мүмкіндігін қарастыруы мүмкін.
Сонымен қатар кейбір футбол шенеуніктері Нассер Аль-Хелаифиді ФИФА президенттігіне ықтимал үміткер ретінде қарастырып отыр. Алайда оның өкілдері бұл сайлауға қатысу жоспары жоқ екенін мәлімдеген.
ФИФА президенттігіне үміткерлер қатарында КОНКАКАФ президенті Виктор Монтальянидің де аты аталып жүр.
