Данилина Монтеррейдегі турнирдегі өнерін аяқтады
Фото: Jimmie48
Жұптық разрядтағы әлемнің алтыншы ракеткасы Анна Данилина Мию Като жұбымен бірге Монтеррейде өтіп жатқан WTA-500 турнирінің ширек финалында жеңіліп қалды.
Қазақстандық-жапониялық дуэт Мария Козырева мен Майя Ламсденнен 3:6, 7:6 (8:6), 3:10 есебімен жеңілді. Кездесу 1 сағат 26 минутқа созылды.
Данилина мен Като екінші партиядағы тай-брейкте жеңіске жетті. Алайда шешуші чемпиондық тай-брейкте қарсыластарына 7:1 есебімен алға шығуға мүмкіндік беріп, есеп айырмасын қысқарта алмады.
Қазақстандық пен жапониялық теннисші бір эйс жасап, екі рет қос қателік жіберді және бес брейк-пойнттың біреуін пайдаланды. Ал Козырева мен Ламсден бірде-бір эйс жасамай, екі қос қателікке жол берді және брейк-пойнттардың екеуін де жүзеге асырды.
Жартылай финалда Козырева мен Ламсден Ульрикке Эйкери мен Куинн Глисон – Дезире Кравчик пен Джулиана Олмос жұптарының жеңімпазымен кездеседі.
