Дембеле Чемпиондар лигасындағы дубльден кейін пікір білдірді

Франциялық футболшы 17 және 23-минуттарда гол соғып, дубль жасады. Дембеле париждіктердің командалық ойыны мен стадиондағы атмосфераны атап өтті.

«Бүгін жеңіске жету біз үшін өте маңызды болды. Біз көп гол соқтық және Чемпиондар лигасындағы жолымызды жақсы бастауымыз қажет еді. Шынымен де жақсы матч өткіздік. Шабуылда да, қорғаныста да біртұтас команда ретінде ойнап, үлкен ләззат алдық. Біз өте қуаныштымыз.

«Парк де Пренс» стадионында керемет атмосфера бар. Бұл Чемпиондар лигасы, сондықтан барлығы жігерлі әрі осы турнирде ойнағысы келеді. Ал осындай жанкүйерлермен бірге бәрі де ерекше сезіледі», – деп келтіреді Дембеленің сөзін клубтың баспасөз қызметі.

Дембеледен бөлек, жеңімпаздар сапында Ферран Торрес хет-трик жасаса, тағы бір голды Фабиан Руис соқты.

Чемпиондар лигасының жалпы кезеңіндегі екінші турда ПСЖ 15 қазанда «Манчестер Ситимен» кездеседі.