Джокович Париждегі «Мастерс» турнирінде күтпеген жерден жеңіліп қалды
Сербиялық теннисші Новак Джокович Парижде өтіп жатқан «Мастерс» турнирінің екінші айналымында австралиялық Ринки Хиджикатадан (ATP рейтингінде 83-орын) жеңіліп қалды.
Кездесу 2 сағат 16 минутқа созылып, 2:6, 6:3, 6:3 есебімен австралиялық теннисшінің пайдасына аяқталды.
Матч барысында Джокович жеті эйс жасап, бес рет қос қателік жіберді. Сондай-ақ 11 брейк-пойнттың екеуін ғана пайдаланды. Ал Хиджиката төрт эйс жасап, бір қос қателікке жол берді және жеті брейк-пойнттың үшеуін сәтті жүзеге асырды.
Осы жеңілістен кейін Джокович жыл қорытындысы бойынша өтетін ATP финалдық турниріне қатысу мүмкіндігінен айырылды. Аталған жарыс 16-22 қараша аралығында Туринде өтеді. Осылайша, сербиялық аңыз теннисші 2017 жылдан бері алғаш рет бұл турнирге жолдама ала алмады.
Келесі айналымда Ринки Хиджиката аргентиналық Томас Мартин Этчеверримен кездеседі.