Елена Рыбакина Нинбодағы WTA-500 турниріне қатысатынын растады
Фото: Getty Images
Қазақстандық теннисші Елена Рыбакина Қытайдың Нинбо қаласында өтетін WTA-500 санатындағы турнирге қайта қатысады.
Әлемнің қазіргі бірінші ракеткасы қазан айында өтетін жарысқа қатысатынын растады.
Нинбо қаласы Рыбакина үшін жағымды естеліктермен байланысты. Өткен маусымда қазақстандық теннисші финалға дейін жетіп, чемпиондық атақты жеңіп алған еді. Сондықтан биыл да жергілікті жанкүйерлер алдында өнер көрсетуді жоспарлап отыр.
«Биыл Нинбоға қайта оралатынымды қуана хабарлаймын. Былтыр бұл жерде жеңіске жетіп, керемет әсер алдым. Нинбоға барып, жарыс атмосферасын сезініп, жанкүйерлермен кездесуді асыға күтемін. Кездескенше!» – деп Рыбакинаның сөзін турнирдің баспасөз қызметі келтірді.
Өткен жылғы жарыстың финалында Рыбакина Екатерина Александровамен кездесті. Матчты ресейлік теннисші жақсы бастап, алғашқы сетте 6:3 есебімен жеңіске жетті. Алайда кейін Қазақстан өкілі ойын барысын толық өзгертіп, келесі екі сетте 6:0, 6:2 есебімен басым түсті.
Еске салайық, Нинбодағы биылғы турнир 19-25 қазан аралығында өтеді.