Франция – Марокко матчының үздік ойыншысы анықталды
ФИФА
Франция құрамасының шабуылшысы Килиан Мбаппе 2026 жылғы әлем чемпионатының ширек финалындағы Мароккоға қарсы матчтың үздік ойыншысы атанды.
Мадридтік «Реалдың» шабуылшысы кездесудің 60-минутында есеп ашып, кейін Усман Дембеленің голына нәтижелі пас берді. Айта кетейік, 28-минутта Мбаппе пенальтиді мүлт жіберді. Оның соққысын Марокко қақпашысы Ясин Буну қайтарды. Нәтижесінде Франция құрамасы Марокконы 2:0 есебімен жеңіп, әлем чемпионатының жартылай финалына жолдама алды.
Келесі кезеңде Франция құрамасы Испания – Бельгия жұбының жеңімпазымен кездеседі. Матч 11 шілде күні Қазақстан уақытымен 00:00-де басталады.
Еске салайық, Франция құрамасы I тобында 9 ұпай жинап, бірінші орынмен плей-офф кезеңіне шыққан болатын. 1/16 финалда француздар Швецияны 3:0 есебімен жеңсе, 1/8 финалда Парагвайдан 1:0 есебімен басым түсті.
2026 жылғы әлем чемпионаты АҚШ, Канада және Мексикада өтіп жатыр. Турнир 19 шілдеде аяқталады.
