Гауфф Йовичті жеңіп, US Open-2026 ширек финалына шықты
Фото: Jimmie48
Әлемнің төртінші ракеткасы Кори Гауфф отандасы Ива Йовичті (WTA рейтингінде 14-орын) жеңіп, US Open-2026 турнирінің ширек финалына жолдама алды.
Төртінші айналымдағы матч 1 сағат 33 минутқа созылып, Гауффтың 6:1, 6:4 есебімен жеңісімен аяқталды. Америкалық теннисші екі эйс жасап, екі рет қос қателік жіберді және 11 брейк-пойнттың бесеуін пайдаланды. Ал Йович бірде-бір эйс жасай алмады, бір қос қателікке жол беріп, өзіне берілген екі брейк-пойнттың екеуін де іске асырды.
Жартылай финалға шығу үшін Гауфф әлемнің бесінші ракеткасы Мирра Андреевамен кездеседі. Ресейлік теннисші төртінші айналымда Анастасия Потапованы жеңіп, мансабында алғаш рет US Open турнирінің ширек финалына шықты.
Айта кетейік, Гауфф Андреевамен бұған дейінгі бес кездесудің барлығында жеңіске жеткен. Теннисшілер соңғы рет Римдегі WTA-1000 турнирінің ширек финалында кездескен. Сол жолы америкалық спортшы 4:6, 6:2, 6:4 есебімен жеңіске жетті.