Голға толы матч: MLS жұлдыздары Лига MX-тен басым түсті
Фото: МЛС
Шарлотта қаласында өткен жұлдыздар матчында MLS құрамасы Мексиканың Лига MX жұлдыздарын жеңді. Кездесу 4:3 есебімен аяқталды.
MLS жұлдыздар матчы
MLS – Лига MX – 4:3
Голдар: Сон 20, 23, Зинккернагель 42, Эвандер 58 – Рей 9, Рондон 55, Парадела 90+1
Ойынның 9-минутында «Гвадалахара» шабуылшысы Луис Габриэль Рей есеп ашты. Артынша «Лос-Анджелес» клубының форварды Сон Хын Мин 20 және 23-минуттарда дубль жасап, өз командасын алға шығарды.
42-минутта «Чикаго» шабуылшысы Филип Зинккернагель MLS құрамасының үшінші голын соқты. Үзілістен кейін «Пачука» форварды Хосе Саломон Рондон есеп айырмасын қысқартты. 16 минуттан соң «Цинциннати» жартылай қорғаушысы Эвандер MLS құрамасының төртінші голын енгізді. Ал 90+1-минутта «Крус Асуль» хавбегі Хосе Парадела матчтың қорытынды есебін белгіледі – 4:3.
Айта кетейік, «Интер Майами» ойыншылары Лионель Месси мен Родриго Де Пауль 2026 жылғы әлем чемпионатынан кейінгі демалысқа байланысты жұлдыздар матчына қатысқан жоқ. Еске салайық, Аргентина құрамасы финалға дейін жетіп, Испаниядан 0:1 есебімен жеңілген еді.
