Григорий Ломакин жұптық «Челленджер» турнирінің ширек финалына шықты
Қазақстандық Григорий Ломакин мен Өзбекстан өкілі Сергей Фомин Қытайдың Унин қаласында өтіп жатқан Wuning 3 Chall. турнирінің жұптық сайысында ширек финалға жолдама алды.
Бірінші айналымда Ломакин/Фомин жұбы қазақстандық Бейбіт Жұқаев пен ресейлік Семен Панкиннен екі сетте басым түсті. Кездесу 6:3, 6:2 есебімен аяқталып, 57 минутқа созылды.
Қытай, Wuning 3 Chall., жұптық разряд, ерлер, 1/8 финал
Фомин/Ломакин – Панкин/Жұқаев – 6:3, 6:2
Кездесу барысында Ломакин мен Фомин жеті эйс жасап, екінші допта бірде-бір рет қос қателікке жол берген жоқ. Қазақстандық-өзбекстандық жұптың өз доп беру геймдерінің ешқайсысын қарсыластары ала алмады.
Ал жеңімпаздар сегіз брейк-пойнттың төртеуін пайдаланды.
Енді Ломакин мен Фомин жартылай финалға шығу үшін таласады. Келесі кездесуде олар жапониялық Масамити Имамура – Наоки Тадзима жұбы мен ресейліктер Ярослав Демин – Тимофей Дерепаско жұбы арасындағы матчтың жеңімпазымен кездеседі.