Лаура Есенгелді Қытайдағы әлем кубогын сенімді жеңіспен бастады
ҚБФ
Қазақстандық боксшы Лаура Есенгелді Қытайдың Гуйян қаласында өтіп жатқан World Boxing ұйымының әлем кубогының екінші кезеңіндегі алғашқы жекпе-жегінде жеңіске жетті.
70 келіге дейінгі салмақ дәрежесіндегі 1/8 финалда ол испаниялық Уния Мартинес Маспен қолғап түйістірді. Қазақстандық спортшы кездесу барысында айқын басымдық танытып, төрешілердің бірауыздан шығарған шешімімен 5:0 есебімен жеңіске жетті.
Осылайша, Лаура Есенгелді турнирдің ширек финалына жолдама алды. Ал Испания өкілі жарысты аяқтады.
Айта кетейік, World Boxing әлем кубогының екінші кезеңі 15-21 маусым аралығында Гуйян қаласында өтуде. Байрақты бәсекеге әлемнің 44 елінен келген шамамен 333 спортшы қатысып жатыр.