«Лилль» – «Бетис» матчының бейнешолуы
Фото: ФК «Бетис»
«Бетис» Чемпиондар лигасының жалпы кезеңіндегі алғашқы турда «Лилльді» 3:2 есебімен жеңіп, қиын жағдайда жеңісті жұлып алды.
Алаң иелері 12-минутта есеп ашты. Аясе Уэда Итан Мбаппенің пасын баспен қақпаға бағыттап, командасын алға шығарды. 33-минутта Марк Бартра есепті теңестірді. Алайда араға үш минут салып Алекссандро француз командасын қайтадан алға шығарды.
Үзілістен кейін «Бетис» бес минуттың ішінде ойын барысын түбегейлі өзгертті. 49-минутта Бартра екінші голын соғып, дубль жасады. Ал 53-минутта Родриго Рикельменің пасын пайдаланған Трой Пэрротт жеңіс голын соқты.
56-минутта «Лилль» алаңда бір ойыншыға кем қалды. Итан Мбаппе қарсыласына шынтағымен соққы жасағаны үшін тікелей қызыл қағаз алды.
Чемпиондар лигасының жалпы кезеңіндегі екінші турда «Лилль» 14 қазанда сырт алаңда «Арсеналмен» ойнайды. Ал «Бетис» 15 қазанда өз алаңында «Портуды» қабылдайды.