«Ливерпуль» – «Атлетико»: Чемпиондар лигасының матчын қайдан көруге болады?
Фото: Getty Images
10 қыркүйекке қараған түні «Ливерпуль» Чемпиондар лигасы-2026/27 жалпы кезеңіндегі алғашқы матчын өткізеді. «Энфилдте» ағылшындық клуб мадридтік «Атлетиконы» қабылдайды.
Еурокубоктың жаңа маусымына командалар әртүрлі жағдайда жетті. «Ливерпуль» Англия чемпионатын аса сенімді бастаған жоқ. Қатарынан екі рет тең түскен мерсисайдтықтар кейін «Ипсвичті» 2:0 есебімен жеңіп, алғашқы жеңісіне қол жеткізді. Үш турдан кейін команда қоржынында бес ұпай бар.
«Атлетико» үшін Ла Лигадағы бастама нәтижелі болып, төрт кездесуде жеті ұпай жинады. Алайда Англияға аттанар алдындағы соңғы матч көңіл көншітпеді. Диего Симеоне шәкірттері «Атлетикке» 0:3 есебімен ойсырай жеңілді.
Командалардың өзара кездесулер тарихы да ерекше қызығушылық тудырады. Соңғы жылдары «Ливерпуль» мадридтік клубқа қарсы сәтті ойнап жүр. Командалардың Чемпиондар лигасындағы соңғы матчы ағылшын клубының 3:2 есебімен жеңісімен аяқталды. Ал оған дейінгі қатарынан төрт ойында да мерсисайдтықтар басым түскен.
Сонымен қатар «Ливерпуль» мен «Атлетико» арасындағы кездесулер сирек жағдайда сабырлы өтеді. Командалар еурокубоктарда бірнеше рет тартысты әрі эмоцияға толы матчтар өткізген. Ал Симеоне командасының стилі қарсыласын шыдамдылық танытып, шешуші сәтін соңғы ысқырыққа дейін іздеуге мәжбүрлейді.
Екі команда үшін де Чемпиондар лигасындағы алғашқы матчтың маңызы зор. «Ливерпуль» өз алаңының артықшылығын пайдаланып, бірден үш ұпай алуға тырысса, «Атлетико» ішкі чемпионаттағы ауыр жеңілістен кейін есесін қайтаруға ұмтылады.
«Ливерпуль» – «Атлетико» матчы 9 қыркүйектен 10 қыркүйекке қараған түні өтеді. Кездесу Қазақстан уақытымен 00:00-де басталады. Матчтың тікелей эфирін Qazsport арнасынан көруге болады.