Мария Шувалова Азия ойындарында 400 метрге жүгіруден финалға шықты
ҚР ҰОК
Қазақстандық жеңіл атлет Мария Шувалова XX жазғы Азия ойындарында жүлде үшін күресін жалғастырады.
Спортшы 400 метрге жүгіруден іріктеу кезеңінен сәтті өтіп, Жапонияның Айти және Нагоя қалаларында өтіп жатқан жарыстың финалына жолдама алды.
Шувалова қашықтықты 53,06 секундта жүгіріп өтіп, іріктеу кезеңінің жалпы хаттамасында төртінші орынға ие болды. Осылайша, ол финалға шыққан спортшылардың қатарына енді.
Қазақстанның әйелдер арасындағы іріктеу кезеңіне қатысқан тағы бір өкілі Александра Залюбовская бұл кезеңде жарысты аяқтады. Оның нәтижесі – 53,93 секунд, бұл жалпы есепте тоғызыншы орынға сәйкес келеді.
Ерлер арасында 400 метрге жүгіруден өнер көрсеткен қазақстандық спортшылар да финалға өте алмады. Андрей Соколов қашықтықты 48,42 секундта жүгіріп өтіп, өз іріктеу кезеңінде сегізінші орын алды.
Ал Эльнор Мұхитдинов үшінші жүгіруде бақ сынап, 47,30 секунд нәтиже көрсетті. Алайда өз жарысында соңғы болып мәреге жетті.
Осылайша, 400 метр қашықтықта Қазақстан атынан жарыстың финалдық кезеңінде тек Мария Шувалова өнер көрсетеді. Енді қазақстандық жеңіл атлет Азия ойындарының жүлдесі үшін таласады.