Мартинес Аргентина үшін жеңіс голы туралы: «Мен бұл туралы армандадым»
Фото: AFA
Аргентина құрамасының шабуылшысы Лаутаро Мартинес 2026 жылғы әлем чемпионатының жартылай финалында Англияны жеңгеннен кейінгі эмоцияларымен бөлісті.
Форвард алаңға қосалқы құрамнан шығып, Аргентинаны мундиаль финалына шығарған жеңіс голының авторы атанды.
«Мен осы голды армандадым, ант етемін. Мен Алексис Мак Аллистерге гол соғатынымды айттым. Алаңға шығып, жеңіс әкелемін дедім, солай болды. Энсо Фернандес те керемет гол соқты. Қазір эмоциялар сәл басылған соң айта аламын: бұл команда тағы да өз мүмкіндігін көрсетті.
Англия құрамасы шаршады. Олар шамамен 60 минут бойы прессинг жасады, кейін күштері қалмады. Гол соққаннан кейін олар қорғанысқа шегінді, бұл бізге допты еркінірек бақылауға мүмкіндік берді. Біз ойынды алаңның бүкіл ені бойынша жүргізіп, нәтижесінде екі гол соқтық. Үш жарым жылдан кейін біз қайтадан әлем чемпионатының финалында ойнаймыз», – деді Мартинес.
Енді Аргентина құрамасы финалда Испаниямен кездеседі. Ойын 20 шілдеде Қазақстан уақыты бойынша 00:00-де өтеді.
Айта кетейік, бұған дейін Аргентина J тобында бірінші орынмен шыққан. Плей-офф кезеңінде команда Кабо-Вердені (3:2), Египетті (3:2), Швейцарияны (3:1) және Англияны (2:1) жеңді. Құраманың және турнирдің үздік сұрмергені Лионель Месси. Ол жеті матчта сегіз гол соғып, төрт нәтижелі пас берген.