Месси әкесінің жерлеуінен кейін аргентиналық БАҚ-пен соттасуға ниетті
Фото: x_@WinnaFC
Аргентина құрамасының капитаны әрі «Интер Майами» шабуылшысы Лионель Месси әкесі Хорхемен қоштасу рәсімінен кейін сотқа жүгінуді жоспарлап отыр.
Бұл туралы аргентиналық журналист Фран Касаретто X әлеуметтік желісінде хабарлады.
«Месси Хорхе Мессимен қоштасу кезінде отбасының жеке өміріне қол сұққан аргентиналық БАҚ-қа қарсы заңды шара қолданатынын растады», – деп жазды Касаретто.
Хорхе Мессимен қоштасу рәсімі 9 тамыз күні Росарио қаласында өтті. Шара жабық форматта және күшейтілген қауіпсіздік шараларымен ұйымдастырылды. Аргентиналық БАҚ мәліметінше, жерлеу рәсіміне тек туыстары мен отбасының жақын достары ғана қатысқан.
Еске салайық, Хорхе Месси 8 тамыз күні ұзаққа созылған сырқаттан кейін 69 жасында қайтыс болды. Қоштасу рәсіміне қатысу үшін Лионель «Интер Майами» клубының орналасқан жерінен шығып, АҚШ-тан Аргентинаға ұшып келген.