Месси: «Бұл менің соңғы әлем чемпионатым деп айтқым келмейді»
Фото: AFA
Аргентина құрамасының шабуылшысы әрі капитаны Лионель Месси әлем чемпионаттарындағы өнерін аяқтау туралы айтқысы келмейтінін мәлімдеді.
Сондай-ақ ол өзін ешқашан Диего Марадонамен салыстырмағанын айтты.
«Бұл менің соңғы әлем чемпионатым болады деп айтқым келмейді. Мен тек турнирден соңына дейін ләззат алғым келеді. Барлығы Құдайдың қалауымен болады. Мен ешқашан өзімді Марадонамен салыстырғым келген жоқ – мен үшін ол барлық уақыттың ең ұлы футболшысы. Қазір қай жерде болса да, ол мұның бәрін көріп қуанып отырғанына сенімдімін, өйткені дәл өзі осы мұраны қалдырды. Бұл – оған арналған сый», – деді Месси La Repubblica басылымына берген сұхбатында.
Қазіргі турнирде Лионель Месси жеті матчқа қатысып, сегіз гол соғып, төрт нәтижелі пас берді. Осылайша, ол мундиальдің үздік бомбардирлері тізімін бастап тұр.
2026 жылғы әлем чемпионатының финалы Аргентина мен Испания құрамалары арасында 20 шілдеде өтеді. Ойын Қазақстан уақыты бойынша сағат 00:00-де басталады.
