«Монако» бас бапкерін ауыстырады
Бөлісу
Фото: Omar Havana/Getty Images
Франция чемпионатында өнер көрсететін «Монако» клубының жаңа бас бапкері бразилиялық маман Филипе Луис болады.
Бұл туралы журналист Николо Скира X әлеуметтік желісінде хабарлады.
— Алдағы күндері «Монако» клубы қазіргі бас бапкер Себастьен Поконьолимен қоштасуды жоспарлап отыр. Оның орнына Филипе Луис келеді. Келісімшарт 2028 жылға дейін есептелген, — деп жазды Скира.
Бұған дейін 40 жастағы маман бразилиялық «Фламенго» клубын жаттықтырған.
2025/2026 жылғы маусым қорытындысы бойынша «Монако» Франция бірінші Лигасының турнир кестесінде жетінші орын алды. Команда 34 матчта 54 ұпай жинады. Алдағы маусымда «Монако» Конференция лигасында өнер көрсетеді.