Мухова мен Меншик US Open-2026 турнирінің аралас жұптағы жеңімпазы атанды
Фото: Jimmie48
Чехиялық теннисшілер Каролина Мухова мен Якуб Меншик US Open-2026 турнирінің аралас жұптық разрядында Белинда Бенчич пен Флавио Коболлиді жеңіп, чемпион атанды.
Чехиялық жұп қарсыластарын 6:3, 1:6, 10:6 есебімен жеңді. Финал 1 сағат 12 минутқа созылды. Мухова мен Меншик алғашқы партияда жеңіске жеткенімен, екінші сетте бір ғана гейм алды. Чемпионның тағдыры супер тай-брейкте шешіліп, чехиялықтар оны 10:6 есебімен аяқтады.
Жеңімпаздар жеті эйс жасап, екі рет қос қателік жіберді және сегіз брейк-пойнттың біреуін пайдаланды. Ал Бенчич пен Коболли екі эйс жасап, бір қос қателікке жол берді.
Чехиялық жұп жеңісі үшін 1 миллион доллар көлемінде сыйақы алды. 2025 жылы бұл турнирде италиялық Сара Эррани мен Андреа Вавассори жеңімпаз атанған еді.
