Нидерланд құрамасының бұрынғы жаттықтырушысы Роналд Куман жұбайының қайтыс болғанын хабарлады
Фото: Getty Images
Нидерланд құрамасының бұрынғы бас жаттықтырушысы Роналд Куман отбасындағы ауыр қаза туралы хабарлады.
Оның жұбайы Бартина 15 қыркүйекте 65 жасында ұзақ уақыт бойы онкологиялық дертпен күрескеннен кейін қайтыс болды.
Куман әлеуметтік желідегі парақшасында әйелімен бірге түскен ақ-қара суретін жариялап, отбасындағы қайғылы жағдай туралы жазды. Жаттықтырушы жұбайымен қоштасу оған үлкен қайғы әкелгенін, сонымен қатар Бартинаға деген зор махаббат пен мақтаныш сезімін атап өтті. Бартина мен Роналд Куман 41 жыл отасқан. Ерлі-зайыптылардың балалары мен немерелері бар.
2026 жылғы әлем чемпионатында Нидерланд құрамасы 1/16 финалға дейін жетіп, Марокко ұлттық командасымен кездесті. Негізгі уақыт 1:1 есебімен аяқталды. Пенальти сериясында нидерландиялықтар 2:3 есебімен жеңілді. Әлем чемпионаты аяқталғаннан кейін Роналд Куман Нидерланд құрамасының бас жаттықтырушысы қызметінен кетті.
Куман Нидерланд құрамасын екінші рет 2023 жылы басқарды. Бұған дейін ол ұлттық команданың тізгінін 2018-2020 жылдар аралығында ұстаған.
Клуб деңгейінде нидерландиялық маман Еуропаның бірқатар танымал командаларында жұмыс істеді. Оның бұрынғы клубтарының қатарында «Аякс», «Бенфика» және «Барселона» бар.