Нұрбек Оралбай Әлем кубогының ширек финалына шықты
Бөлісу
Фото: ҚБФ
Қазақстандық боксшы Нұрбек Оралбай Қытайда өтіп жатқан Әлем кубогы кезеңінің ширек финалына өтті. Ол 1/8 финалында Оңтүстік Корея өкілі Гичшае Кимді мерзімінен бұрын жеңді.
Париж Олимпиадасының күміс жүлдегері 80 кг салмақ дәрежесінде өнер көрсетеді. Жекпе-жек барысында Оралбай қарсыласын үш рет нокдаунға жіберді. Үшінші рет құлағаннан кейін төреші екінші раундта жекпе-жекті тоқтатты.
Бұған дейін тағы бір қазақстандық боксшы Серік Теміржанов та ширек финалға жолдама алған болатын. 60 кг салмақ дәрежесінде ол неміс боксшысы Денис Брилді төрешілердің бірауызды шешімімен жеңді.