Қазақстан ауыр атлетикадан Азия чемпионатында 20 медаль жеңіп алды

Қазақстандық спортшылар 8 рет чемпион атанып, 5 күміс және 7 қола медаль иеленді.

Masters: алғашқы алтын және төрт медаль

Masters санатында Қазақстан қоржынына төрт жүлде түсті. Бұл топтағы жалғыз алтынды 61 келіге дейінгі салмақта үздік шыққан Инсана Рашидова жеңіп алды.

53 келіге дейінгі салмақта Виктория Мурашкина, ал 60 келіге дейінгі салмақта Мұхаммедали Қойшыбек күміс медаль иеленді. Рамазан Омар (75 келіге дейін) қола жүлдеге қол жеткізді.

Youth: бірден төрт Азия чемпионы

Қазақстан құрамасы үшін Youth санатындағы жарыс ерекше сәтті өтті. Бұл топта отандастарымыз 8 медаль жеңіп алды, оның жартысы — алтын.

Азия чемпиондары атанғандар:

Снежана Кашкарова — 57 келіге дейін;

Ксения Прозорова — 61 келіге дейін;

Бейбарыс Ерсейіт — 65 келіге дейін;

Нұржан Жұмабай — 95 келіге дейін.

70 келіге дейінгі салмақта Торехан Асанхан күміс жүлдегер атанды.

Қола медальдарды Нұрсила Берікбол (57 келіге дейін), Маргарита Ермакова (69 келіге дейін) және София Шешукова (77 келіден жоғары) жеңіп алды.

Junior: Қазақстанның қоржынына тағы сегіз жүлде

Қазақстандық жасөспірімдер де жоғары нәтиже көрсетті. Бұл санатта ұлттық құрама тағы 8 медаль еншіледі.

Алтын жүлдені Снежана Кашкарова (57 келіге дейін), Аянат Жұмағали (77 келіге дейін) және Ақжол Құрманбек (85 келіге дейін) жеңіп алды.

Күміс медальдарға Кира Данилова (69 келіге дейін) мен София Шешукова (86 келіден жоғары) ие болды.

Қазақстанға тағы үш қола жүлдені Бейбарыс Ерсейіт (65 келіге дейін), Ерасыл Саулебеков (85 келіге дейін) және Алихан Әскербай (95 келіге дейін) әкелді.

Қазақстан былтырғы нәтижесін жақсартты

Ташкенттегі жарыста Қазақстан құрамасы барлығы 20 медаль жеңіп алды: 8 алтын, 5 күміс және 7 қола.

Салыстырмалы түрде, 2025 жылы Астанада өткен ел ішіндегі Азия чемпионатында қазақстандық ауыр атлеттер 17 медаль — 7 алтын, 4 күміс және 6 қола жүлде алған еді.