Қазақстан құрамасы Оңтүстік Кореядағы таеквондодан әлемдік Гран-при кезеңіне қатысады
Фото: olympic.kz
5-7 қыркүйек аралығында Оңтүстік Кореяның Муджу қаласында таеквондодан әлемдік Гран-при кезеңі өтеді. Қазақстанның намысын дүбірлі додада алты спортшы қорғайды.
Ерлер арасындағы жарыста татамиге Дамир Шуленов пен Ергеш Бекасыл шығады. Ал әйелдер бәсекесінде Айдана Кумартаева, Нодира Ахмедова, Мария Севостьянова және Нұрай Хусаинова жүлдеге таласады.
Муджудағы жарыс қазақстандық спортшылар үшін халықаралық деңгейдегі мықты қарсыластармен күш сынасып, маусымның маңызды кезеңінде жарыс ырғағын қалыптастыруға тағы бір мүмкіндік болмақ.
Қазақстан құрамасының әйелдер арасындағы төрт спортшыны бірден қатыстыруы ерекше назар аудартады. Олардың әрқайсысы турнирлік кестеде барынша алға жылжып, жүлдегерлер қатарынан көрінуге тырысады.
Әлемдік Гран-при додасы дәстүрлі түрде түрлі елдердің мықты таеквондошыларын жинайды. Сондықтан Оңтүстік Кореядағы жарыс қазақстандық спортшылар үшін елеулі сынақ болмақ.
Турнир 5 қыркүйекте басталып, соңғы жүлделер 7 қыркүйекте сарапқа салынады.