Қазақстандық шаңғышылар Чехияда FIS кубогының жүлдесін жеңіп алды
«Арсенал» ФК
Қазақстан құрамасы Чехияның Френштат-под-Радгоштем қаласында трамплиннен шаңғымен секіруден өткен FIS кубогы кезеңінде екі алтын және бір күміс медаль жеңіп алды.
Жарыстың алғашқы күнінде Данил Васильев жеңіске жетті. Ол екі мүмкіндіктен кейін 258,4 ұпай жинады. Екінші орынды аустралиялық Якоб Штайнбергер 236,6 ұпаймен иеленсе, үшінші орынға польшалық Ян Галица 236,3 ұпаймен жайғасты.
Айта кетейік, Васильев HS106 трамплинінің жазғы рекордын да жаңартты. Қазақстандық спортшы 109 метрге секірді. Осылайша ол чехиялық Иржи Мазохтың 2008 жылдан бері сақталып келе жатқан рекордын жаңартты.
Жарыстың екінші күнінде қазақстандық спортшылар бірінші және екінші орындарды иеленді. Илья Мизерных 267,4 ұпай жинап, жеңімпаз атанды. Ал Данил Васильев 259,8 ұпаймен күміс медаль жеңіп алды.
Еске салайық, жарысқа он елден 57 спортшы қатысты. Кезең 4-5 қыркүйек күндері K95/HS106 трамплинында өтті.