Қазақстанның гандбол құрамасы Италиядағы әлем кубогының жеңімпазы атанды

Топтық кезеңде Қазақстан құрамасы бес матчтың барлығында жеңіске жетіп, Польшаны (29:14), Бельгияны (28:21), Оңтүстік Африка Республикасын (27:11), Италияны (24:11) және Ливияны (20:17) ұтты.

Жартылай финалда қазақстандық гандболшылар тағы да Италия құрамасымен кездесіп, 23:13 есебімен жеңіске жетті. Ал финалда Ливияны 28:23 есебімен тізе бүктіріп, Interamnia World Cup 2026 турнирінің чемпионы атанды.

Айта кетейік, халықаралық гандбол турнирі 9–15 шілде аралығында Италияның Терамо провинциясында өтті.