Родри «Манчестер Ситиден» не үшін кеткенін түсіндірді

Тамыз айында 30 жастағы футболшы каталониялық клубпен 2030 жылдың 30 маусымына дейін келісімшартқа отырды.

«Мен мансабымды сол жерде аяқтаймын деп әрдайым ойлайтынмын, өйткені бұл клуб маған барлығын берді. Мен бақытты болдым және, меніңше, Англия футболы тарихындағы ең үздік буындардың бірінде ойнадым. Командада осындай бапкер мен осындай футболшылар болды. Сондықтан клубтың маған деген қарым-қатынасын және өзімді қаншалықты жайлы сезінгенімді ескерсек, кету туралы ешқашан ойлаған емеспін.

Бірақ клубта жаңа кезең басталып келе жатқанын түсіндім: көптеген жаңа ойыншылар келіп, жаңа буын қалыптасып жатыр. Әлем чемпионатынан кейін бәрін саралап, жаңа нәрсені байқап көрудің жақсы шешім болуы мүмкін екенін түсіндім. Мен «Барселонаны» таңдадым.

Маған жаңа сынақтар мен жаңа ынталандыру қажет болды. Бір жерде бәріне қол жеткізгеніңді түсінген кезде, жетістікке жетуге берік негізі бар басқа клубта да үлкен нәтижеге қол жеткізгің келеді. Мен үшін дәл қазір «Барселона» осындай жоба», – деді Родри La Vanguardia басылымына берген сұхбатында.

Испаниялық футболшы 2019-2026 жылдар аралығында «Манчестер Сити» сапында өнер көрсетті. Жеті маусымда 298 матч өткізіп, 28 гол соқты және 14 трофей жеңіп алды.