Рыбакина Гауффтан төрт жылдан кейін реванш алып, WTA-1000 турнирінің финалына шықты
Фото: Jimmie48
Әлемнің екінші ракеткасы Елена Рыбакина Канаданың Торонто қаласында өтіп жатқан WTA-1000 санатындағы турнирдің финалына жолдама алды. Қазақстандық теннисші жартылай финалда америкалық Кори Гауффты 5:7, 6:2, 6:2 есебімен жеңді.
Матч барысында Рыбакина бес эйс жасап, бір рет қос қате жіберді. Ал Гауфф үш рет эйс жасап, бес қос қателікке жол берді. Қазақстандық теннисші брейк-пойнттардың үшеуін іске асырса, америкалық спортшы бір брейк жасады.
Сонымен қатар Рыбакина жеңіп алған ұпай саны бойынша да қарсыласынан басым түсті – 83:72. Елена өз добын берген кезде 46 ұпай жинаса, қабылдауда 37 ұпай еншіледі.
Бұл Рыбакинаның Гауффты мансабында алғаш рет жеңуі. Бұған дейін теннисшілер бір-ақ рет, 2022 жылы дәл осы Торонто турнирінде кездескен. Сол кезде америкалық спортшы үш сетте 6:4, 6:7 (8:10), 7:6 (7:3) есебімен жеңіске жеткен еді. Осы жартылай финалға дейін бұл олардың жалғыз кездесуі болды.
Финалда Рыбакина бұған дейін Элина Свитолинаны жеңген Ига Швёнтекпен кездеседі.
