Рыбакина Қытайдағы WTA 1000 турнирінің екінші кезеңіндегі қарсыласын білді

Қазақстандық теннисшімен келесі кезеңде кездесуге армениялық Алина Чараева мен украиналық Юлия Стародубцева таласты. Олардың матчы Чараеваның жеңісімен аяқталды – 5:7, 7:5, 6:2.

Осылайша, Рыбакинаның келесі қарсыласы Алина Чараева атанды. Бұл теннисшілердің мансабындағы алғашқы өзара кездесуі болмақ.

24 жастағы Чараева үшін биылғы маусым әлемдік рейтингтегі прогресімен де ерекшеленді. Қазіргі таңда спортшы 118-орында тұр. Бұл – оның мансабындағы ең жоғары көрсеткіш.

Рыбакина – Чараева матчы жұма, 2 қазанда өтеді. Кездесу Астана уақытымен шамамен сағат 08:00-де басталады деп жоспарланған. Жеңімпаз WTA 1000 турнирінің үшінші кезеңіне шығады.