Рыбакина WTA 1000 турнирінің Торонто қаласындағы финалында Швентекке есе жіберді

Финалдық кездесуде поляк спортшысы Қазақстан өкілі Елена Рыбакинаны сенімді түрде жеңді — 6:2, 6:3.

Шешуші матч 1 сағат 16 минутқа созылды. Швентек кездесудің алғашқы минуттарынан-ақ агрессивті ойын көрсетіп, жылдам басымдыққа ие болды. Рыбакина матчтың барысын өзгерте алмады, ал поляк теннисшісі екі сетте де жеңісті нәтижеге жеткізді.

Торонто. WTA 1000. Финал

Ига Швентек (Польша) — Елена Рыбакина (Қазақстан) — 6:2, 6:3

Финалға шығу үшін екі теннисші де жартылай финалда қиын кездесулер өткізді. Рыбакина АҚШ өкілі Кори Гауффпен ойнады. Бірінші сетте америкалық теннисші 7:5 есебімен жеңіске жеткенімен, одан кейін қазақстандық спортшы бастаманы толық өз қолына алды. Рыбакина келесі екі партияны 6:2, 6:2 есебімен жеңіп, финалға жолдама алды.

Ал Швентек жартылай финалда украиналық Элина Свитолинамен кездесті. Польяк теннисшісі алғашқы партияны 6:3 есебімен жеңді, бірақ екінші сетте 1:6 есебімен ұтылып қалды. Шешуші партияда Швентек қайтадан қарқынын арттырып, матчты 6:3 есебімен өз пайдасына аяқтады.

Торонтодағы финал Ига Швентек пен Елена Рыбакинаның WTA деңгейіндегі 13-ші жеке кездесуі болды. Матч басталғанға дейін олардың өзара кездесулеріндегі есеп 6:6 болған.

Өткен жылы турнирдің басты жүлдесін канадалық теннисші Виктория Мбоко жеңіп алған. Ол финалда жапониялық Наоми Осаканы бірінші партияда жеңіліп қалғанына қарамастан, кейінгі екі сетте басым түсіп, 2:6, 6:4, 6:1 есебімен жеңген.

Еске салайық, Торонто қаласындағы WTA 1000 турнирі 2 тамызда басталған.