Сенсация: Шелтон Алькарасды жеңіп, US Open-2026 турнирінің жартылай финалына шықты
Фото: x_@usopen
Әлемнің 9-ракеткасы Бен Шелтон Карлос Алькарасды (ATP рейтингінде №3) жеңіп, US Open-2026 турнирінің жартылай финалына жолдама алды.
Әлемнің 9-ракеткасы Бен Шелтон US Open-2026 турнирінің ширек финалында Карлос Алькарасды (ATP рейтингінде №3) жеңді.
Төрт сағаттан астам уақытқа созылған матч америкалық теннисшінің пайдасына 6:7 (5:7), 6:1, 6:3, 1:6, 7:6 есебімен аяқталды.
Алькарас тай-брейкте бірінші сетте жеңіске жеткеннен кейін Шелтон бастаманы өз қолына алды. Америкалық теннисші келесі екі партияда қарсыласына небәрі төрт гейм берді. Төртінші сетте испаниялық спортшы ойынына қайта оралып, матчтағы тепе-теңдікті қалпына келтірді. Шешуші партияда теннисшілер 6:6 есебіне дейін жетті. Жеңімпаз супертай-брейкте анықталып, онда Шелтон мықты болды.
Шелтон үшін бұл Алькарасқа қарсы төрт кездесудегі алғашқы жеңіс болды. Сонымен қатар америкалық теннисші мансабында алғаш рет әлемдік рейтингтің топ-3 өкілін жеңді.
Айта кетейік, бұл кездесу US Open тарихындағы ең кеш аяқталған матч атанды. Матч 4 сағат 28 минутқа созылып, жергілікті уақыт бойынша 3:34-те аяқталды. Бұған дейінгі рекорд Карлос Алькарас пен Янник Синнер арасындағы 2022 жылғы ширек финалдық кездесуге тиесілі еді. Ол матч түнгі сағат 2:50-де аяқталған.
Жартылай финалда Шелтон отандасы Фрэнсис Тиафомен кездеседі. Тиафо Алекс Микельсенді 5:7, 3:6, 7:5, 6:3, 7:6 есебімен жеңді. Өзара кездесулерде Бен 3:1 есебімен алда келеді. Теннисшілер соңғы рет 2025 жылы Вашингтондағы турнирде кездескен. Ол матчта Шелтон жеңіске жеткен.