Шомуродов 2026-ӘЧ ең үздңк гол номинациясына ұсынылды
Фото: ФИФА
ФИФА турнирдің топтық кезеңіндегі ең әдемі гол авторларының тізімін жариялады. Номинанттар қатарында Өзбекстан құрамасының шабуылшысы Эльдор Шомуродов та бар.
Бұл тізімге сондай-ақ Джованни Рейна (АҚШ), Исмаэль Сайбари (Марокко), Винисиус Жуниор (Бразилия), Элайджа Джаст (Жаңа Зеландия), Керим Алайбегович (Босния және Герцеговина), Феликс Нмеча (Германия), Килиан Мбаппе (Франция), Лионель Месси (Аргентина), Кевин Пина (Кабо-Верде), Уилсон Исидор (Гаити) және Дайдзэн Маэда (Жапония) енді.
Шомуродов бұл тізімге топтық кезеңнің үшінші турында ДР Конго құрамасына қарсы матчта (1:3) соққан голының арқасында кірді. Ойынның 10-минутында ол айып алаңы сызығының маңында допты қабылдап, қарсылас қақпашысы Лайонель Мпаси-Нзаудың үстінен асыра дәл соққы жасады.
Айта кетейік, Өзбекстан құрамасы турнирді K тобында бірде-бір ұпай жинамай, төртінші орынмен аяқтады. Команда Колумбиядан (1:3), Португалиядан (0:5) және ДР Конгодан (1:3) жеңілді. Бұған дейін Өзбекстан құрамасының әлем чемпионаттарындағы алғашқы голын «Башакшехир» клубының ойыншысы Аббосбек Файзуллаев соққан болатын.
2026 жылғы әлем чемпионаты АҚШ, Канада және Мексикада өтіп жатыр және 19 шілдеде аяқталады.
