Юрген Клопп Германия құрамасымен келісімшартқа қол қойды
«Ливерпуль» ФК
Неміс маманы Юрген Клопп Германия ұлттық құрамасының бас бапкері атанды. Ұлттық команданың жаңа бас бапкерімен жасалған келісімшарт 2030 жылдың шілдесіне дейін есептелген.
Фабрицио Романоның мәліметінше, Клопп Германия футбол федерациясымен келісімге қол қойып үлгерген. Маманның ресми таныстырылымы 24 шілдеде өтеді.
Германия құрамасының бас бапкері қызметінде Клопп Юлиан Нагельсманды алмастырды. 59 жастағы маманның соңғы жұмыс орны «Ред Булл» консорциумы болды, онда ол футбол бағытының жетекшісі қызметін атқарды.
Клопп әр жылдары «Майнц», дортмундтық «Боруссия» және ағылшындық «Ливерпуль» клубтарын жаттықтырды. Оның жетекшілігімен мерсисайдтық команда сегіз жүлде жеңіп алды. Олардың қатарында Чемпиондар лигасы, Англия Премьер-лигасы, Англия кубогы, екі рет Англия лигасы кубогы, УЕФА Суперкубогы, Англия Суперкубогы және клубтар арасындағы әлем чемпионаты бар.
Еске салсақ, 2026 жылғы әлем чемпионатында Германия құрамасы 1/16 финал кезеңінде жарысты аяқтап, Парагвайдан пенальти сериясында жеңілді (1:1, 3:4).
