«Ювентус» Еуропа лигасындағы алғашқы матчында «НЕК Неймегенді» ойсырата жеңді
«Ювентус» ФК
«Ювентус» Еуропа лигасының жалпы кезеңіндегі алғашқы турда «НЕК Неймегенді» 5:0 есебімен жеңді.
Еуропа лигасы. Жалпы кезең. 1-тур
«Ювентус» – «НЕК Неймеген» – 5:0
Голдар: Гонсалес 9, Алайбегович 24, Вольтемаде 35 (пенальти), Челик 75, Коло-Муани 82
9-минутта қақпашы Камил Грабараның ұзын пасынан кейін Нико Гонсалес есеп ашты. 24-минутта Керим Алайбегович алаң иелерінің басымдығын еселесе, 35-минутта Ник Вольтемаде пенальтиді дәл орындады. 11 метрлік айып добы Гонсалеске қарсы жасалған ереже бұзушылықтан кейін белгіленді.
Екінші таймда Зеки Челик 75-минутта алаңға қосалқы құрамнан шыққан Рандаль Коло-Муани берген пасты қақпаға дәл бағыттады. Арада жеті минут өткенде француз шабуылшысы қақпашыны алдап өтіп, бос қақпаға допты енгізіп, матчтағы соңғы есепті белгіледі.
Екінші турда «Ювентус» 16 қазанда сырт алаңда «Сельтамен» кездеседі. Сол күні «НЕК Неймеген» өз алаңында софиялық «Левскиді» қабылдайды.