Жәнібек Әлімханұлының жаңа салмақтағы жекпе-жегіне қатысты болжам жасалды
Фото: janibek_alimkhanuly
Қазақстандық боксшы Жәнібек Әлімханұлы екінші орта салмақта WBO нұсқасы бойынша бос тұрған әлем чемпионы атағы үшін жекпе-жекке дайындалып жатыр.
Америкалық Boxing News 24 басылымы оның жеңіліп көрмеген датиялық Якоб Банкпен жекпе-жектегі мүмкіндігін бағалап, жаңа салмақ дәрежесінде қазақстандық боксшы қандай қиындықтарға тап болуы мүмкін екенін түсіндірді.
Әлімханұлы мен Банк арасындағы жекпе-жек 2027 жылдың қаңтарында Данияда өтеді деп жоспарланған. Нақты күні мен аренасы кейінірек жарияланады.
Әзірге чемпиондық жекпе-жекті өткізу туралы келісім жасалған. Дүниежүзілік бокс ұйымының (WBO) президенті Густаво Оливьери екі боксшының командалары ортақ келісімге келгенін растады. Осыған байланысты промоутерлік сауда өткізудің қажеті болмайды.