Алькарас Токиодағы ATP 500 турнирінің финалына шықты
Фото: Getty Images
Испаниялық теннисші Карлос Алькарас Токиода өтіп жатқан ATP 500 турнирінің финалына жолдама алды.
ATP рейтингінде үшінші орында тұрған Алькарас жартылай финалда әлемнің 49-ракеткасы Хауме Муньярмен кездесті. Испаниялық теннисшілер арасындағы тартыста жеңімпаз үш сеттен кейін анықталды.
Муньяр алғашқы партияда күтпеген жерден 7:5 есебімен басым түсті. Алайда Алькарас кейін ойынын түзеп, қалған екі сетте қарсыласына мүмкіндік бермеді – 6:3, 6:1.
Теннисшілер кортта 2 сағат 33 минут өткізді. Осылайша Алькарас турнирдің финалына шықты.
Токио, ATP, жартылай финал:
Карлос Алькарас (Испания) – Хауме Муньяр (Испания) – 5:7, 6:3, 6:1
Финалда Алькарас Иржи Легечка мен Валантен Вашеро арасындағы екінші жартылай финалдың жеңімпазымен кездеседі.