Әлем чемпионатының плей-офф кезеңіндегі алғашқы жұп анықталды
Бөлісу
ФИФА
2026 жылғы футболдан әлем чемпионатының 1/16 финалындағы алғашқы жұп белгілі болды. Бұл кезеңде Оңтүстік Африка Республикасы (ОАР) мен Канада құрамалары кездеседі.
Матч 29 маусым күні Инглвуд қаласындағы «СоФай» стадионында өтеді.
ОАР құрамасы А тобында екінші орын алды. Соңғы турда африкалық команда Оңтүстік Кореяны 1:0 есебімен жеңіп, 4 ұпай жинады және өз тарихында алғаш рет әлем чемпионатының плей-офф кезеңіне жолдама алды.
Канада да В тобын 4 ұпаймен екінші орында аяқтады. Соңғы турда канадалықтар Швейцария құрамасына 1:2 есебімен жол берді.
Айта кетейік, 2026 жылғы футболдан әлем чемпионаты АҚШ, Канада және Мексикада өтіп жатыр. Турнирдің финалдық кезеңіне тарихта алғаш рет 48 құрама қатысуда. Финалдық матч 19 шілдеде өтеді.
