Әлем чемпиондары елге оралды: Испания құрамасы Мадридке әлем кубогымен келді
Фото: Getty Images
2026 жылғы әлем чемпионы атанған Испания құрамасы отанына оралды. Мадрид әуежайында футболшыларды мыңдаған жанкүйер ерекше құрметпен қарсы алып, ұлттық қаһармандар ретінде қошемет көрсетті.
Әлем чемпионатының финалында Испания құрамасы Аргентинаны қосымша уақытта 1:0 есебімен жеңді. Кездесудегі жалғыз голды Ферран Торрес соғып, испандықтарға тарихи жеңіс сыйлады. Финал АҚШ-тың Ист-Ратерфорд қаласындағы әйгілі MetLife Stadium аренасында өтті.
Бұл Испания тарихындағы екінші әлем чемпиондығы болды. Бұған дейін испандықтар әлем кубогын 2010 жылы жеңіп алған еді.
2026 жылғы әлем чемпионаты 11 маусым мен 20 шілде аралығында АҚШ, Канада және Мексикада өтті. Бұл турнир тарихта алғаш рет 48 құраманың қатысуымен ұйымдастырылды.
Алдағы уақытта әлем чемпионатының форматы тағы да өзгеруі мүмкін. КОНМЕБОЛ президенті Алехандро Домингестің айтуынша, 2030 жылғы мундиальдың финалдық кезеңіне 64 құрама қатысуы ықтимал.
Айта кетейік, 2030 жылғы әлем чемпионаты алғашқы мундиальдың 100 жылдығына арналады. Турнирдің алғашқы матчтары Уругвай, Аргентина және Парагвайда өтеді. Ал жарыстың негізгі бөлігі Испания, Португалия және Мароккода ұйымдастырылады.