«Арсенал» Прагада «Славияны» жеңіп, Чемпиондар лигасының үздік үштігіндегі орнын нығайтты
Фото: Getty Images
Лондондық «Арсенал» Чемпиондар лигасының жалпы кезеңіндегі төртінші турда сырт алаңда прагалық «Славияны» 2:1 есебімен жеңді. Осылайша, Микель Артета шәкірттері турнирдегі үшінші жеңісіне қол жеткізді.
4 қарашадан 5 қарашаға қараған түні Прагадағы «Эден Арена» стадионында өткен кездесуде есеп тоғызыншы минутта ашылды. Виктор Дьёкерештің пасынан кейін Нони Мадуэке дәл соққымен көзге түсіп, лондондықтарды алға шығарды.
38-минутта Дьёкерештің өзі мергендік танытты. Микель Мериноның пасын қабылдаған швециялық шабуылшы қорғаушыны алдап өтіп, допты қақпаның алыс бұрышына бағыттады.
Екінші таймда алаң иелері есеп айырмасын қысқартуға тырысты. Алайда «Арсенал» басымдығын ұзақ уақыт сақтап қалды. Тек 90-минутта Давид Юрасектің пасынан кейін Виктор Новак бір гол соғып, есепті қысқартты. Дегенмен «Славияның» есепті теңестіруге уақыты жетпеді.
Чемпиондар лигасы. Жалпы кезең. 4-тур
«Славия» (Прага) – «Арсенал» (Лондон) – 1:2
Голдар: Мадуэке, 9 (0:1), Дьёкереш, 38 (0:2), Новак, 90 (1:2).