«Бавария» «Брентфорд» шабуылшысының трансфері бойынша келіссөз бастады
«Брентфорд» ФК
«Брентфорд» шабуылшысы Игор Тиаго мюнхендік «Баварияның» назарына ілікті. Германиялық клуб 25 жастағы бразилиялық футболшыны шабуыл шебін күшейту үшін қарастырып отыр.
Инсайдер Николо Скираның мәліметінше, «Бавария» өкілдері Тиагоны трансферлеу мүмкіндігі бойынша келіссөздерді бастап кеткен. Тараптар ықтимал мәміленің шарттарын талқылап жатыр.
Мюнхендік клубтың бразилиялық шабуылшыға қызығушылық танытуына оның Англия Премьер-лигасындағы нәтижелі ойыны себеп болып отыр. Өткен маусымда Тиаго «Брентфорд» сапында чемпионаттың барлық 38 матчына қатысып, 22 гол соғып, 1 нәтижелі пас берді.
Тиаго «Брентфорд» сапында 2024 жылдың жазынан бері өнер көрсетіп келеді. Англияға ауысқанға дейін шабуылшы бельгиялық «Брюгге», болгариялық «Лудогорец» және бразилиялық «Крузейро» клубтарының намысын қорғаған.
Футболшының «Брентфордпен» қазіргі келісімшарты 2031 жылдың маусымына дейін жарамды.
