Чалханоглудың голы «Интерге» «Кальяриді» жеңуге көмектесті
«Интер» ФК
«Интер» «Кальяриді» 1:0 есебімен жеңіп, А сериясындағы екінші жеңісіне қол жеткізді.
Матчтағы жалғыз голды кездесудің басында Хакан Чалханоглу соқты. Түркиялық жартылай қорғаушы 9-минутта Николо Барелланың пасынан кейін есеп ашты. Қонақтар кейін де бірнеше қауіпті шабуыл ұйымдастырғанымен, басымдықтарын арттыра алмады.
Екі турдан кейін Кристиан Киву шәкірттері алты ұпай жинады, ал «Кальяридің» еншісінде үш ұпай қалды. Екінші турдың қорытындысы бойынша «Интер» А сериясының турнирлік кестесінде көш бастады, ал Сардиниялық команда 13-орында тұр.
Келесі турда «Интер» 5 қыркүйекте өз алаңында «Наполиді» қабылдайды. Ал «Кальяри» 7 қыркүйекте үйінде «Леччемен» кездеседі.
Одан кейін миландық клуб Чемпиондар лигасының жалпы кезеңіндегі ойындарын бастайды. Алғашқы матчты команда 9 қыркүйекте Мадридте «Реалға» қарсы өткізеді.