Эквадор құрамасы әлем чемпионатынан кейін жаңа бас бапкер тағайындады
Фото: x_@apresion1
Аргентиналық маман Марсело Гальярдо Эквадор құрамасының бас бапкері болып тағайындалды.
50 жастағы маманмен жасалған келісімшарт 2030 жылғы әлем чемпионатына дейін есептелген. Гальярдо үшін бұл ұлттық құрамамен өз бетінше жұмыс істейтін алғашқы тәжірибе болмақ.
Бұған дейін аргентиналық маман Уругвайдың «Насьональ», Сауд Арабиясының «Аль-Иттихад» және «Ривер Плейт» клубтарын жаттықтырған. Буэнос-Айрес клубындағы алғашқы қызметі кезінде ол 14 жүлде жеңіп алды. Олардың қатарында 2015 және 2018 жылдардағы Либертадорес кубогы да бар.
Айта кетейік, Гальярдо футболшы кезінде шабуылдағы жартылай қорғаушы позициясында ойнаған. Ол Аргентина құрамасы сапында 44 матч өткізіп, 13 гол соқты.
2026 жылғы әлем чемпионатында Эквадор Себастьян Беккасесе бастаған құраммен топтан шыққан. Алайда 1/16 финалда Мексикаға 0:2 есебімен жол берді.