«Фиорентина» қатарынан үш жеңілістен кейін бас бапкерін қызметтен босатты
«Фиорентина»
«Фиорентина» Италия чемпионатының жаңа маусымын қатарынан үш жеңіліспен бастағаннан кейін бас бапкері Фабио Гроссоны қызметінен босатқанын жариялады.
Мұндай шешім А сериясының үшінші турында өз алаңында «Ториноға» қарсы өткен матчтан кейін қабылданды. Флоренциялық клуб бұл кездесуде 1:2 есебімен жеңіліп қалды. Гроссо «Фиорентинаны» 8 маусымда басқарған және командамен шамамен үш ай жұмыс істеген. Оның келісімшарты 2028 жылдың 30 маусымына дейін жасалған болатын.
Маманның жетекшілігімен флоренциялықтар ресми түрде төрт матч өткізді. А сериясында команда «Ромадан» (0:4), «Фрозинонеден» (0:3) және «Торинодан» (1:2) қатарынан жеңілді. Ал Италия кубогында «Беневентоны» 4:1 есебімен жеңіп, жалғыз жеңісіне қол жеткізді.
Үш турдан кейін «Фиорентина» Италия чемпионатының турнирлік кестесінде соңғы орында тұр. Команда бір гол соғып, қақпасына тоғыз гол жіберген.
Гроссо А сериясының жаңа маусымында қызметінен босатылған алғашқы бас бапкер атанды.