Ғұсман Қырғызбаев Азия ойындарында екінші айналымға шықты
Фото: Сали Сабиров
Ғұсман Қырғызбаев Айти мен Нагояда өтіп жатқан 2026 жылғы Азия ойындарын сәтті бастады.
66 келіге дейінгі салмақта қазақстандық дзюдошы алғашқы айналымда Шри-Ланка өкілі Дахам Каривасияммен кездесті. Қырғызбаев нәтижелі әдіс жасап, белдесуді бірнеше секунд ішінде иппонмен аяқтады.
Айта кетейік, Қырғызбаев — 2024 жылы Парижде өткен Олимпиада ойындарының қола жүлдегері. Сондай-ақ ол 2021 жылғы әлем чемпионатының күміс жүлдесін жеңіп алған. Биылғы маусымда қазақстандық дзюдошы Циндаодағы Гран-придің финалына дейін жетіп, екінші орын алды.
Еске салайық, 2026 жылғы Азия ойындары Жапонияның Айти префектурасы мен оның астанасы Нагояда өтіп жатыр. Жарыс 19 қыркүйекте басталып, 4 қазанға дейін жалғасады.