Хачанов US Open турнирінің бірінші айналымында Бурручагаға еш мүмкіндік қалдырмады
Фото: x_@atptour
Әлемнің 50-ракеткасы Карен Хачанов аргентиналық Роман Андрес Бурручагады (ATP рейтингінде 59-орын) ойсырата жеңіп, US Open-2026 турнирінің екінші айналымына өтті.
Ресейлік теннисші қарсыласын 6:3, 6:0, 6:1 есебімен жеңді. Кездесу 1 сағат 35 минутқа созылды.
Хачанов төрт эйс жасап, екі қосарланған қателік жіберді және өзіне берілген жеті брейк-пойнттың барлығын пайдаланды. Ал Бурручага бірде-бір эйс жасай алмады, үш қосарланған қателікке жол берді және брейк-пойнтқа ие болған жоқ.
Айта кетейік, Хачанов аргентиналық теннисшімен өткізген екі кездесудің екеуінде де жеңіске жеткен. 2025 жылғы мамырда ресейлік теннисші Римдегі «Мастерс» турнирінің екінші айналымында Бурручагады 6:4, 5:7, 6:1 есебімен жеңген болатын.
Екінші айналымда Карен австралиялық Ринки Хидзиката мен канадалық Феликс Оже-Альяссим арасындағы матчтың жеңімпазымен кездеседі.
US Open турнирінің қазіргі чемпионы — Карлос Алькарас. Ол 2025 жылғы финалда Янник Синнерді жеңген болатын.
Биылғы жарыс 30 тамыз бен 13 қыркүйек аралығында өтеді.