Мадрид әлем чемпиондарын қарсы алды: Испанияның жеңісін шамамен екі миллион адам тойлады
Фото: Getty Images
Испания құрамасының футболдағы тарихи жеңісі Мадридтің орталығын алып мерекелік алаңға айналдырды. Биліктің бағалауынша, 2026 жылғы әлем чемпионатындағы ұлттық құраманың жеңісін тойлауға шамамен екі миллион адам жиналған.
Мыңдаған жанкүйер команда келмей тұрып-ақ қала көшелеріне жинала бастады. Елорданың орталық көшелері қызыл-сары түске боялды. Жанкүйерлер чемпиондарды үздіксіз қошеметпен қарсы алды.
Мереке басталмас бұрын ұлттық құраманы ресми қабылдау рәсімі өтті. Алдымен Испания королі Филипп VI корольдік отбасы мүшелерімен бірге әлем чемпиондарын сарайда қабылдады. Одан кейін құрама ел премьер-министрі Педро Санчеспен кездесті.
Жалпыұлттық мерекенің басты себебі әлем чемпионатының финалындағы жеңіс болды. Шешуші кездесуде Испания қосымша уақытта Аргентинаны 1:0 есебімен жеңіп, өз тарихында екінші рет әлем чемпионы атанды.