Меншик Мочизукиден реванш алып, US Open турнирінің екінші айналымына шықты
Фото: x_@atptour
Әлемнің 18-ракеткасы Якуб Меншик жапониялық Синтаро Мочизукиді (ATP рейтингінде 117-орын) жеңіп, US Open-2026 турнирінің екінші айналымына өтті.
Чехиялық теннисші қарсыласын 6:1, 6:4, 7:5 есебімен жеңді. Кездесу 2 сағат 48 минутқа созылды.
Меншик 18 эйс жасап, алты қосарланған қателік жіберді және 11 брейк-пойнттың жетеуін пайдаланды. Ал Мочизуки бір рет эйс жасап, сегіз қосарланған қателікке жол берді және қарсыласының берген төрт брейк-пойнтының үшеуін жүзеге асырды.
Осы жеңістен кейін теннисшілердің өзара кездесулеріндегі есеп теңесті. 2023 жылғы сәуірде Мочизуки Остравда өткен саз төсенішті «челленджер» турнирінің екінші айналымында Меншикті 1:6, 6:2, 7:6 (7:4) есебімен жеңген еді.
Екінші айналымда чехиялық теннисші австриялық Юрий Родионовпен кездеседі. Бұған дейін бұл екі теннисші өзара ойнамаған.
US Open турнирінің қазіргі чемпионы — Карлос Алькарас. Ол 2025 жылғы финалда Янник Синнерді жеңген болатын.
Биылғы US Open турнирі 30 тамыз бен 13 қыркүйек аралығында өтеді.