Нұралы Әліп Ұлттар лигасындағы матчтар алдында Қазақстан құрамасына қосылды

Фото: Getty Images
Ресейдің «Зенит» клубында өнер көрсететін қазақстандық қорғаушы Нұралы Әліп ұлттық құраманың оқу-жаттығу жиынына қосылды.
26 жастағы футболшы Джон ван ’т Схип жаттықтыратын Қазақстан құрамасының қарамағына келді. Қазақстан футбол федерациясы Әліптің оралуына байланысты Instagram желісінде арнайы бейнежазба жариялады.
«Қараңыздар, кім оралды!» – деп жазды ұлттық құраманың баспасөз қызметі.
Әліп Ұлттар лигасының топтық кезеңіндегі соңғы екі матчқа шақырту алды. Айта кетейік, қорғаушы 2025 жылдың қыркүйегінен бері Қазақстан құрамасының капитаны қызметін атқарып келеді. Ол бұл міндетке командаластарының дауыс беруі нәтижесінде таңдалған болатын.
Қазіргі уақытта Әліптің клубы «Зенит» Ресей чемпионатында көш бастап тұр. Санкт-Петербург командасы 14 турдан кейін 31 ұпай жинап, бірінші орында орналасқан. Дәл осындай ұпайы бар мәскеулік «Динамо» қосымша көрсеткіштер бойынша екінші орында тұр.
Қазақстан құрамасының алдағы матчтары:
- 13 қараша: Молдова – Қазақстан. Кишинев, 22:00.
- 16 қараша: Қазақстан – Словакия. Астана, «Астана Арена», 20:00.
Екі кездесудің де басталу уақыты Қазақстан уақытымен көрсетілген.
Ұлттық құрама қарашадағы ойындарға Түркістанда дайындалып жатыр. Осы екі матчпен Қазақстан құрамасы 2026/27 жылғы Ұлттар лигасының топтық кезеңін аяқтайды.