Оңтүстік Африка құрамасының бапкері Чехияның ойын стилін сынға алды
Фото: Safa
Оңтүстік Африка құрамасының бас бапкері Уго Броос Чехиямен (1:1) өткен 2026 жылғы әлем чемпионатындағы тең ойыннан кейін қарсылас команда стиліне баға берді.
Маманның айтуынша, қарсылас команда тікелей және әуедегі күреске негізделген футболға сүйенген.
«Олар футбол ойнағанды немесе комбинациялық футболды ұната бермейді. Олар өте тікелей ойнайды және бұған лайық ойыншылары бар. Барлық ойыншылары бойшаң. Сондықтан бізге әуедегі пастармен ойнау өте қиын болды.
Чехия дәл осылай ойнады, иә, бұл тактика. Неліктен бұлай таңдағанын айта алмаймын. Бұл – бапкердің шешімі, мүмкін мен Чехияны жаттықтырсам, мен де солай істер едім. Бірақ менің ойымша, егер сіз футболды жақсы көрсеңіз, бүгін біз көрсеткен ойын сізге Чехия ойынынан гөрі көбірек ұнаған болар еді», – деді Броос ESPN-ге берген сұхбатында.
Екі турдан кейін Мексика 6 ұпаймен топты бастап, плей-оффқа мерзімінен бұрын шықты. Оңтүстік Корея 3 ұпаймен екінші орында тұр, ал Чехия мен Оңтүстік Африкада 1 ұпайдан бар.
Топтық кезеңнің соңғы турында Мексика Чехиямен, ал Оңтүстік Корея құрамасы Оңтүстік Африкамен кездеседі.
