Путинцева мен Данилина Азия ойындарында жүлдеге кепілдік берді
Фото: Jimmie48
Юлия Путинцева мен Анна Данилина Қазақстанға 2026 жылғы Азия ойындарында әйелдер арасындағы жұптық теннис турнирінен медаль әкелуді мерзімінен бұрын қамтамасыз етті.
Қазақстандық жұптың қытайлық Цзян Синьюй мен Ян Чжаосюаньге қарсы ширек финалдық кездесуі өтпеді. Қытайлық спортшылар жарысты жалғастырудан бас тартуына байланысты Путинцева мен Данилина матч өткізбей-ақ келесі кезеңге өтті.
Путинцева мен Данилинаның келесі қарсыласы – Қытай Тайбэйінің өкілдері Се Шувэй мен Лян Эньшо. Олар финалға шығу үшін таласады.
Осылайша, Қазақстан әйелдер арасындағы жұптық сында кем дегенде қола жүлдеге кепілдік берді.
Путинцева үшін бұл қазіргі Азия ойындарындағы екінші медаль болмақ. Бұған дейін қазақстандық теннисші жеке сында қола жүлде иеленген еді.